About Us

關於我們

Perky balloon 喺2018年由Elaine 同Carrie 兩位好鍾意珍珠嘅女孩成立嘅獨立品牌，專注珍珠輕首飾，係香港註冊公司。我哋覺得珍珠係一種好 versatile 嘅天然寶石，除咗隆重場合，例如婚禮飲宴適用之外，其實亦都可以好young 好playful，好啱日常戴，所以創造咗呢個品牌，希望將珍珠飾品融入日常生活。

可能你之前喺Instagram已經關注我哋，我哋冇實體店，唔使俾燈油火蠟，所以你可以用好親民嘅價格買到靚靚嘅珍珠。😉

作品樣式

小店作品都是落單訂造，在香港製造及寄出，作品description 內有寫明珍珠種類，形狀，光澤等細節，新製品會用返出post相同尺寸批次嘅珍珠，完成作品同出post相片幾乎一樣，畢竟珍珠係天然長成的，唔會每粒都identical，不能保證同相片100%一樣。

天然珍珠少不免有生長紋小坑點等天然瑕疵。正面明顯大瑕疵會特別說明，側身/底部不影響配戴的瑕疵恕難逐粒珠確認。

所有相片都係窗邊自然光影，冇特別打燈冇filter，公仔係細碼女生身形，尺寸可以參考一下。

作品長度及尺寸會跟返作品description內的說明一樣，如需customize 配件／加長／改短請先行以instagram messanger聯絡我們查詢。

寄送方法

網上訂單付款後約7-10天寄出，會寄順豐到付，如寄智能櫃或合作點請提供順豐站/智能櫃地址及編碼，訂單滿$1000免運費，寄出後會通知順豐運單號碼，正常寄出後1-2天送達。

海外訂單會以香港郵政E Express寄出，訂單滿$2000免運費，正常寄出後約二星期到達，進口稅項將由目的地國家收取，小店對於因拒付稅項而退回的作品並不會作任何退款。

加急訂單請先以instagram messanger聯絡我們查詢。

珍珠種類

店內所有珍珠均是不同地區的養殖珍珠，天然色，我哋唔賣人造珍珠，染色珍珠。作品陳述內有寫明使用嘅珍珠種類。

淡水珍珠是在河蚌裏無核養殖的，即整粒珠由表皮到中心都是珍珠層物質，形狀多變。淡水珠亦有種核養殖的品種，即在蚌裏植入一粒圓形貝珠讓其長出珍珠層包裹，所以通常為圓形/近圓形。店內淡水都是中國出產，比起其他國家是現時珠質量較好的，通常有白、粉紅、橙、紫色。

海水珍珠是在海貝裏種核養殖，所以通常為圓形/近圓形。有時養殖時母貝排斥珠核或無核二次收成就會形成變形，即係keshi珠。不同海水域所養的貝種不同，所以產珠顏色也有不同，本店內的海珠有日本(白/粉紅/灰)，大溪地(黑/紫/綠/灰/藍)，澳洲(白/銀灰)，南洋珠(白／金)等產地。

珍珠保養

穿珍珠頸鏈／手鏈的鋼絲線好幼的，請勿大力拉扯。如果頸鏈／手鏈有軟膠調節球請輕輕拉球作調節，勿用蠻力，易斷。收藏嘅時候可以輕輕捲埋，但唔好大力屈折。

天然珍珠，特別係Akoya ，切忌浸水及接觸化學品，唔好戴住嚟沖涼游水做家務，會傷害珍珠表層光澤，噴完香水／hair spray 先戴上，配戴後建議用用乾布抹淨，存放於陰涼地方。

Keshi 珍珠非常細小，所以戴嘅時候要小心，唔好大力拉扯或者擠壓啊～

金屬保色問題

店內大部份作品配件係黃銅鍍18K金或鍍rhodium，鍍層比較厚，保色效果比銀鍍金更持久，唔會生鏽變黑，但不能保證永不退色，日子耐咗鍍金層損耗可能會變成冇咁令嘅金色／黃銅色。冲涼游水做家務時請除低，戴完抹乾淨再密封存放可以延緩退色。

925純銀製配件接觸空氣日久可能會有氧化黑斑，屬正常現象，可用抹銀布輕輕抹走。

退換事宜

小店所有作品都是落單訂造，每一件貨品都會檢查完好才寄出，如果貨品在收到後有損壞問題，必須在收貨三日內通知（以順豐收件日期為準），在收回作品如果確認是出品問題我們會全數退款／換貨／維修。

私人理由，款式不合適，人為損壞等原因恕不換貨退款。

如果作品於收貨後需要修改長度會另行報價，你亦需要承擔來回順豐運費。

客戶在購買我們作品時即代表接受本公司退貨維修條款，Perky Balloon為最終決定權。

珍珠證書

我哋唔會特別送珍珠去做證書，點解呢？

珍珠不論產地，淡水定海水，幾百蚊定幾萬蚊都係消耗品，珠層會隨時間磨損或變質，汗同皮脂都會滲入珍珠層，不是永恆的珠寶。珍珠唔同鑽石，沒有國際性鑒定標準，日本Akoya目前只有日本珍珠科學研究所出嘅證先至有國際認可，證書上面會標記珍珠嘅編號，但係珍珠拆咗出嚟做咗款式後張證書就已經係無效，你亦都唔會隨身帶住張證書俾人查閱。

羊毛出在羊身上，要花多一千幾百做證書，自然會反映喺貨品價格上，輕首飾做證書係冇乜意思的。